© “Metafizika” Journal p-ISSN 2616-6879 Vol 6, issue 1, serial 21, 2023. pp.44-68 e-ISSN 2617-751X 44 UOT: 930.22 KBT: 66.49 MJ № 153 Heydər Əliyev ideyalarının postmünaqişə dövrü və miqrasiya idarəçiliyi Aqil Əhmədov  Abstrakt. Görkəmli dövlət və siyasi xadimlərin dövlətçilik ənənələrinin qorunması və gələcək nəsillərə ötürülməsinə xidmət edən ideyaları hər zaman aktual səslənir. Azərbaycan Respublikasının quruculuq və milli inkişaf tarixində əvəzsiz yeri olan, xalq tərəfindən ümummilli lider yüksək ünvanına layiq görülən Heydər Əliyevin ideyaları postmünaqişə dövründə sülh və əməkdaşlığa yeni çağırışlar edir. Dövlət müstəqilliyinin bərpasından ötən 30 illik dövr bir daha təsdiq etdi ki, Azərbaycan ordusunun 44 günlük Vətən müharibəsində qazandığı parlaq qələbənin təməlində Heydər Əliyev ideyaları və siyasi məfkurəsi dayanır. Müharibədən ötən iki ildən yuxarı vaxt ərzində Azərbaycan Respublikası regional və beynəlxalq müstəvidə həyata keçirdiyi siyasətini gücləndirmiş, təhlükəsizlik şəraitində sosial-iqtisadi potensialını bir qədər də artırmışdır. Hazırda Azərbaycan dövlətinin davamlı inkişafına öz töhfəsini verən Prezident İlham Əliyevin qalib Ali Baş Komandan kimi respublikanın milli maraqlarının qorunması istiqamətində həyata keçirdiyi siyasət ölkənin tanınması və onunla əməkdaşlıqda maraqlı olan beynəlxalq təşkilat və dövlətlərin diqqətini çəkir. Məhz Heydər Əliyevin dövlətçilik ideyalarına sadiq qalaraq, Azərbaycanı beynəlxalq aləmdə böyük qürur və şərəflə təmsil edən Prezident İlham Əliyevin ölkəyə rəhbərliyinin postmünaqişə dövrünü, ümummilli liderin ideya və müdrik siyasətinin intibah dövrü, məntiqi ardıcıllığı hesab etmək olar. Respublikada həyatın bütün sahələrində olduğu kimi miqrasiya kimi həssas mövzuda əməkdşlıq və inkişafa nail olunması müharibədən ötən qısa vaxt ərzində özünü göstərir və tədqiqata elmi-nəzəri yanaşma tələb edir.  Tarix üzrə fəlsəfə doktoru, dosent AMEA-nın A.A.Bakıxanov adına Tarix İnstitutunun “Azərbaycanın beynəlxalq əlaqələr tarixi” şöbəsinin aparıcı elmi işçisi; Bakı, Azərbaycan E-mail: agilahma@gmail.com https://orcid.org/0000-0002-9212-5147 Məqaləyə istinad: Əhmədov, A. [2023] Heydər Əliyev ideyalarının postmünaqişə dövrü və miqrasiya idarəçiliyi. “Metafizika” jurnalı, 6(1), səh.44-68. Məqalənin tarixçəsi: Məqalə redaksiyaya daxil olmuĢdur: 29.12.2022 Təkrar iĢlənməyə göndərilmiĢdir: 19.01.2023 Çapa qəbul edilmiĢdir: 10.03.2023