KABANATA II MGA KAUGNAY NA LITERATURA AT PAG-AARAL Para sa higit na pagkaunawa ng pananaliksik na may paksang Kahalagahan sa Pag-aaral ng Kultura sa Luzon ay minarapat ng mananaliksik na mangalap ng mga kaugnay na pag-aaral at mga kaugnay na literatura. Kinapapalooban ang kabanatang ito ng mga kaugnay na literatura at pag-aaral na nagbigay ng makabuluhang konsepto at gabay para mabuo ang kasalukuyang pag-aaral, mga pamamaraan, impormasyon at mga datos. MGA KAUGNAY NA PAG-AARAL Sa kultura nakasalalay ang kalinangan ng lahi ng bawat etnikong grupo sa loob ng Pilipinas. Ito rin ang nagsisilbing tanda ng kanilang pagkakakilanlan sa lipunan. Nahahati ang kultura sa dalawang komponent, ang materyal at di-materyal na kultura. Ang materyal na kultura ay tumutukoy sa mga tradisyunal na kagamitan. Ito ang mga bagay na nililikha at ginagamit ng bawat etnikong grupo na nagiging tanda ng kanilang kultura na wala sa ibang grupo. Binubuo naman ng norm, valyu, paniniwala at wika ang di-materyal na kultura. Ito ang kulturang hindi nahahawakan ngunit nakikita sa pamamagitan ng pagsasagawa nito. Hindi nahihiwalay sa ganitong kultura ang mga pamahiin, antoka o palaisipan, gawi sa iba’t ibang aspektong pangkultural at paraan ng pagsasalita ng grupong gumagamit nito. Ang kahinaan lamang ng materyal na kultura sa di-materyal na kultura ay ang dinamikong sistema nito. Madali ang pagbabagong nagaganap sa materyal na kultura sanhi ng pag-usbong ng teknolohiya. Kilala ang kultura bilang isang manipestasyon ng isang lipi na nagpasalin-salin sa bawat henerasyon. Patuloy itong nagbabago at umuunlad kasabay sa pagdaan ng panahon. Hindi mapipigilan ang pagbabagong ito sapagkat mas higit na madali ang paraan ng paggamit ng mga makabago. Isa sa