Jamaal Qabdulqhaadir Reedo 1 Feerayso-wág Rakiiboba Moojuúl Culmeena Feerayso-wag rakiibooba (Fundamentals of literature) ELAmzzi moojuul , bacrá mafdagak xissiimak xayyooweh yan.kulli mafdagah addat gunxa amô-tabitte gacteh tan. Naharsi mafdagá, feerayso-wag kinnaaneey, abtootaa kee aba num tascasse. Nammeyhaytô mafdagá, aliilissô feerayso-wagih kinnaaneey, caalootaa kee abtoota tascasse. Sidochaytô mafdagá qadáar-wag kinnaaneey, caalootaay, cogdaadii kee, ken qaynoota tascasse. Fereeyhaytô mafdaagá, celsiisenta-wag kinnaanee kee, qunsurittê cogdaadi makeelissa. Konooyhaytô mafdagá, uxxi celsiisentitteh kinnaanee kee, ken caaloota tascasse. Lecceyhaytô mafdagá, ransâ kinnaaneey, giffo-le caalootaa kee, qunsurittê qaynoota addâ- fakootissa. Malciinahaytô mafdagá, feerayso-wag cogdoodih kinnaanee kee, usun elle abnisiman gurraari addâ-fakootissa. Ellecabô mafdagay, bacarhaytô kinnih iyya, feereyso-wagak assokki kinnaaneey, faxxiimiyyaa kee, abtootih assakka tascasse. Samara Ximoli/2006 Barissô madmoomi A moojuulul xayyowte barissok gaba kalan waqdi,barteenit:-  Feerayso-wag kinnaaneey,caddok/cagguduuy,mablak/abtoota baxxaqisele  Orbiseenaa kee, usuk aalleh meqe duddo aaxigele  Aliilissô kinnaanee kee, teetik giffo-le caaloota makeelisele  Qadár wag kinnaanee kee, tet caaloota warissu aaxigele  Cogdaadi kinnaenee kee, usun qadár addat lon walfik/weelo warissu aaxigele.