International Journal of Research Studies in Education 2022 Volume 11 Number 7, 73-123 © The Author(s) / Attribution-NonCommercial-NoDerivs CC BY-NC-ND Kasanayang pangkomunikatibo: Isang estrukural na panatayang pagdulog Dipolog, Susan B. University of Mindanao, Philippines (dipologsusan@yahoo.com) Edillon, Anna Lou G. Carmen National High School, Philippines Received: 22 April 2022 Revised: 28 April 2022 Accepted: 3 May 2022 Available Online: 3 May 2022 DOI: 10.5861/ijrse.2022.315 ISSN: 2243-7703 Online ISSN: 2243-7711 OPEN ACCESS Abstract Layunin ng pag-aaral na ito na mabatid ang modelong higit na naaangkop sa kasanayang pangkomunikatibo pati na rin ang mga nabuong pagkakaugnay-ugnay ng kaligirang sosyal na pagkatuto, motibasyon, saloobin ng mga mag-aaral at kasanayang pangkomunikatibo. Disenyong deskriptiv-kwalitatib at estruktural na modelong panataya ang ginamit sa pananaliksik. Nagmula ang mga datos sa 400 na mga mag-aaral ng Senior High School bilang responden te mula sa apat na Sangay sa lalawigan ng Davao del Norte gamit ang ran- dom sampling technique. Ginamitan ito ng apat na istandardisadong talata- nungan na nagsilbing instrumento ng pananaliksik. Sa pagsusuring estadis- tikal, ginamit ang mean, pearson-r, multiple regression at structural equation model upang matamo ang layunin. Natuklasan sa pag-aaral na nagkaroon ng makabuluhang ugnayan at makabuluhang impluwensya ang kaligirang sosyal na pangklasrum, motibasyon at saloobin ng mga mag-aaral sa kasanayang pangkomunikatibo. Dagdag pa, ang kaligirang sosyal na pangklasrum ang natatanging latent baryabol na may direktang epekto sa kasanayang pangkomunikatibo ng mga mag-aaral. Sa pagtukoy naman sa best fit model, lumabas sa resulta na may malakas na impluwensya ang mga indikeytor ng kaligirang sosyal na pangklasrum bilang prediktor sa kasanayang pangkomunikatibo ng mga mag-aaral na makikita sa ikalimang modelo na naging pinakaangkop na modelo sa pananaliksik. Keywords: education, motivation, classroom social environment, communicative skills, structured equation modelling, Philippines